product summery

Шиблий Нўъмоний Ҳиндистондан етишиб чиққан илк замонавий мусулмон тарихчилардан бири бўлиб, у 1857 йилда Ҳиндистоннинг Уттар Прадеш штати Аъзамгарх тумани Биндул қишлоғида туғилган. Абу Ҳанифа Нўъмон ибн Собитга нисбат берилиб, «Нўъмоний» нисбасини олган. Ўзининг исми Муҳаммад бўлган. «Мавлоно Шиблий» номи билан ҳам танилган. Ўз даврининг таниқли олимлари ҳузурида ислом илмлари, араб ва форс адабиётини ўрганган. Маълум муддат адвокатлик қилиб, тижорат билан шуғулланган Шиблий Нўъмоний 1877 йилда ҳажга борган. 1882 йилдан Алигархдаги Инглиз шарқшунослик коллежида профессор сифатида иш бошлаган. 1883 йилда Аъзамгархда миллий коллеж очган. Шу орада тарих, адабиёт ва тафаккур тарихи билан машғул бўлган. Тарихга бўлган қизиқиши уни ислом оламининг турли кутубхоналарини кезиб чиқишга ундаган. Шу боис, Истанбул, Байрут, Қуддус, Қоҳира сингари йирик шаҳарларга сафар қилган. Истанбулда султон Абдулҳамид ІІ нинг қабулига кирган ва «Мажидия» мукофоти билан тақдирланган. .