product summery

Поезд ва автомобилда юришдан, кемада сузишдан қўрққани сабаб хонасидан ҳеч қаерга чиқмай жиноятларни фош қилган детективни биласизми ? Бу америкалик ёзувчи Рекс Стаутнинг қатор қиссалари қаҳрамони Ниро Вульфнинг айнан ўзгинаси. Тўпламга кирган "Ошхонадаги қотиллик" қиссаси бош қаҳрамони ҳам у. Ўткир ақл, кенг тасаввур, ўта синчковлик, воқеаларни бир-бирига боғлаш ва уларни таҳлил қилиш натижасида изқувар ҳақиқий қотилни аниқлайди. Энг қизиғи , қаҳрамон ўз хизмати эвазига машҳур ошпаз ҳаммадан сир тутган тансиқ таомнинг рецептини сўрайди. Ниро Вульф бу орзусига эришадими ёки йўқ, китобхон "Ошхонадаги қотиллик" қиссасини ўқиб билиб олади. Мазкур тўплам детектив жанрида ёзилган яна бир асарни ўз ичига олади. Италия ёзувчиси Энце Руссонинг "Мафия аъзосининг иқрори" романида Жованинонинг бошидан кечирганлари баён қилинади. Жованино ўсмир чоғида тўдага қўшилганидан бошлаб, мафия аъзолари битта- битта қўлга олингунга қадар бўлган давр ичида кўрган-кечирганларини, қилган жиноятларини ўз тилидан ҳикоя қилади. Ёши элликдан ошган собиқ мафия аъзосининг афсус ва надоматга тўла иқрори замирида ўқувчи Италия ҳаётида мавжуд бўлган ўткир иэтимоий муаммоларни ҳам кўради..